“ფორმულა-1” “გრიდ გერლზის” გარეშე – ფემინისტები იმარჯვებენ
უკვე ერთი წელი გავიდა მას შემდეგ, რაც Liberty Media-მ “ფორმულა-1” 8 მილიარდი ამერიკული დოლარის სანაცვლოდ შეიძინა. კომპანის წარმომადგენლები გვპირდებოდნენ, რომ “ფორმულა-1”-ს ძველ დიდებას დაუბრუნებდნენ და ამ მიზნით მთლიანად შეცვალეს მმართველი შტაბი.
მას შემდეგ, Liberty Media-მ არაერთი მნიშვნელოვანი რეფორმა გაატარა ჩემპიონატში. ბოლოდროინდელმა ცვლილებამ კი ყველას ყუარდღება მიიპყრო – როგორც კომპანიის მარკეტინგული ოპერაციების დირექტორი, შონ ბრატჩესი გვატყობინებს, 2018 წლის სეზონიდან “ფორმულა-1” აღარ გამოიყენებს “გრიდ გერლზს”.
“მართალია, “გრიდ გერლზის” დასაქმებით კარგ საქმეს ვაკეთებთ და ამ ტრადიციამ ათწლეულებს გაუძლო, მაგრამ ვთვლით, რომ ეს ყოველივე ვეღარ პასუხობს დღევანდელ სტანდარტებს და ჩვენს მსოფლმხედველობას.
არ ვთვლით, რომ მდედრობითი სქესის ასეთი სახით გამოყენების პრაქტიკა “ფორმულა-1″-სთვის რელევანტურია, ისევე როგორც ახალგაზრდა და გამოცდილი ფანებისთვის,” – აცხადებს შონ ბრატჩესი.
სტიუარტ პრინგლი, ბრიტანული კომპანიის, Silverstone-ის დირექტორი “სამეფო ფორმულას” ამ გადაწყვეტილებას ასე ეხმაურება: “მთელი არსებით მხარს ვუჭერთ ამ ცვლილებას და ვთვლით, რომ მდედრობითი სქესის ასე გამოყენება მოძველებული ტრადიციაა და სპორტში ამის ადგილი უკვე აღარ არის.”
აღსანიშნავია, რომ მსგავსი ნაბიჯი უკვე გადადგა მსოფლიო დარტსის კორპორაციამ.
დეკემბრის თვეში BBC Sports-მა საკმაოდ საინტერესო გამოკითხვა ჩაატარა იმის თაობაზე, უნდა იყვნენ თუ არა “გრიდ-გერლზი” “ფორმულა-1”-ში და ფანების 60-მა პროცენტმა ამ კითხვას დადებითი პასუხი გასცა.
გთავაზობთ “გრიდ გერლზის” ერთ-ერთი წარმომადგენლის, შარლოტა გაშის ინტერვიუსაც: “ძალიან მაბრაზებს ის ფაქტი, რომ ისეთი დიდი კომპანია, როგორიც “ფორმულა-1″ არის, ასეთ დათმობაზე წავიდა.
მართალია, მე შემოსავლის სხვა წყაროებიც გამაჩნია, მაგრამ ბევრი ჩვენგანისთვის ეს ერთადერთი იყო. ჩვენ უბრალოდ ის გვევალება, რომ ლამაზები ვიყოთ და სპონსორების დავალებები შევასრულოთ. ჩვენ გვიყვარს, რასაც ვაკეთებთ.”
ვინ არიან და რას აკეთებენ ისინი?
“გრიდ გერლზსი” – მოდელები, რომლებსაც “სამეფო ფორმულა” უძველესი დროიდან იყენებდა გარკვეული ცერემონიის წარმართვისას, როგორც დეკორაციას. მათ როგორც წესი, აცვიათ გამომწვევი ტანსაცმელი, რომელზეც სპონსორის სახელია გამოსახული.
მათ მოვალეობებს კი ისეთი რაღაცაც შეადგენს, რაც ქოლგის დაჭერაა ან პოსტერზე ამოტვიფრული მრბოლერის სახელის. ისინი აწყობენ საპატიო დერეფანს, რომელსაც მრბოლერები პოდიუმად იყენებენ.
ერთ-ერთმა ფანმა Liberty Media-ს საკმაოდ საინტერესო იდეაც შესთავაზა, რომლის მიხედვითაც, “გრიდ-გერლზსი” რობოტებმა უნდა ჩაანაცვლონ.
I'd choose Big Hero 6 for a pre-race fist pump ? pic.twitter.com/0Rb0KusXEj
— Jon Noble (@NobleF1) January 31, 2018
