“დასავლეთის თასი 2018”: ჯგუფური ეტაპის მეორე ტურის შეხვედრები გაიმართა

გრძელდება ,,დასავლეთის თასი 2018“-ის გათამაშება. მეორე ტურის დარჩენილი ოთხი შეხვედრა გაიმართა, რომლებიც შემდეგი ანგარიშებით დასრულდა:

II ჯგუფი
,,სამგურალი 2“ წყალტუბო – ,,მეშახტე“ ტყიბული 7-4
,,მარგვეთი 2006“ ზესტაფონი – ,,ზუგდიდი“ ზუგდიდი 0-4

III ჯგუფი
,,ბახმარო“ ჩოხატაური – ,,ზანა“ აბაშა 1-1
,,სულორი“ ვანი – ,,სამეგრელო“ ჩხოროწყუ 3-2

ორი ტურის შემდეგ I ჯგუფში ,,იმერეთი” ხონს და ხობის ,,კოლხეთს“ 6-6 ქულა დაუგროვდათ. ჯგუფში პირველი ადგილოსნის ვინაობა მათ უშუალო დაპირისპირებაში გაირკვევა. ანალოგიური მდგომარეობაა II ჯგუფშიც. აქაც 6-6 ქულით ,,სამგურალი 2“ წყალტუბო და ზუგდიდის ,,ზუგდიდი“ ლიდერობენ. რაც შეეხება III ჯგუფს, აქ ყველაფერი გარკვეულია. ზედიზედ ორი გამარჯვების შემდეგ ვანის ,,სულორმა“ პირველი ადგილი ნაადრევად გაინაღდა.

ქვეჯგუფებში ბოლო მესამე ტურის შეხვედრები 11-12 თებერვალს გაიმართება.