“სამარცხვინო ფაქტი ქართულ სუმოში” – რა ხდება საქართველოში?

7 თებერვალს, ოპერის მომღერალმა, თამარ ივერმა სოციალურ ქსელში ვეტერან ქართველ სუმოისტთნ, ლევან ცაგურიასთან იგივე კოკაისთან დაკავშირებით განცხადება გამოაქვეყნა.

თამარ ივერი წერს, რომ კოკაის საქართველოს სუმოს ფედერაციაში მუშაობის საშუალება არ ეძლევა.

“ეს ფართო საზოგადოებამ უნდა იცოდეს და ამ მართლაც სასირცხვილო ფაქტით ვფიქრობ, უნდა დაინტერესდეს მედია!
კოკკაი, იგივე ლევან ცაგურია, სუმოს ლეგენდა კაცი, პირველი ქართველი სუმოს დიდოსტატი და ადამიანი, ვინც მთელი მისი მრავალწლიანი წარმატებული კარიერით, წლების მანძილზე იაპონიაში საქართველოს ასახელებდა, ადამიანი, ვინც თავიდან ურჩია, მიიწვია და სუმოს აზიარა მისი დღეს წარმატებული მეგობრები – სუმოისტები: ტოჩინოშინი და გაგამარუ, ასეთმა პიროვნებამ იაპონიაში ყოველგვარი მიწიერი ფუფუნება, ლექსუსი და უმაღლესი დონის პატივი დატოვა და რამდენიმე წელია მის ქვეყანაში დაბრუნდა შეგნებული პატრიოტული მოსაზრებით.

კი ბატონო, მიიწვიონ მაშინ ძიუდოს ფედერაციის ხელმძღვანელად მოკრივე, კრივის ფედერაციის ხელმძღვანელად კარატისტი, კალათბურთის-ფეხბურთელი და ა.შ
სირცხვილია და თავის მოჭრა ერო და ბერო ამოვიღოთ ხმა!!! სირცხვილი!”