შოტლანდიის ნაკრებს ალქეს მაკლიშს ჩააბარებენ

შოტლანდიის ფეხბურთის ფედერაცია ეროვნული ნაკრების მთავარი მწვრთნელის კანდიდატურაზე საბოლოოდ ჩამოყალიბდა.

“სქაი სპორტსის” ცნობით, გუნდს ალექს მაკლიში ჩაიბარებს.

წყაროს თანახმად, კონტრაქტს ძალა 2020 წლამდე ექნება. მაკლიშმა სახელი გლაზგოს “რეინჯერსში” მუშაობის პერიოდში გაითქვა. შოტლანდიელი სპეციალისტი აღნიშნულ გუნდს 4-წელიწადნახევრის განმავლობაში თავკაცობდა, რის შემდეგაც ინგლისის პრემიერლიგაში გადაბარგდა, სადაც “ბირმინგემ სიტისა” და “ასტონ ვილას” ხელმძღვანელობდა.

შეგახსენებთ, რომ შოტლანდიის ნაკრებს მანამდე გორდონ სტრახანი თავკაცობდა, რომელმაც მსოფლიოს ჩემპიონატის საკვალიფიკაციო ეტაპზე განცდილი წარუმატებლობის გამო პოსტი დატოვა.