“გენტის” დირექტორი: “ჩაკვეტაძეში 15 მილიონიც რომ შემოგვთავაზონ, არ გავყიდით”

“გენტის” ტექნიკურმა დირექტორმა, მიშელ ლუვაგიმ განაცხადა, რომ ზაფხულში კლუბი გიორგი ჩაკვეტაძის გაყიდვას არ აპირებს. ლუვაგის თქმით, ქართველი შემტევი გუნდის მომავალი ათიანი უნდა გახდეს.

“გვინდა, რომ გუნდი ჩაკვეტაძის გარშემო ავაშენოთ. ის ჩვენი მომავალი ათიანია. მომავალ ზაფხულში, გიორგის სანაცვლოდ 15 მილიონი ევროც რომ შემოგვთავაზონ, მას არ გავყიდით. ჩვენი მიზანი მისი ერთი ან ორი წლით შენარჩუნებაა”, – უთხრა ლუვაგიმ HLN-ს.

შეგახსენებთ, რომ “გენტმა” ჩაკვეტაძე გასულ ზაფხულს თბილისის “დინამოდან” 800 000 ევროდ შეიძინა. ბელგიურ მედიაში უკვე დაიწერა, რომ 18 წლის ქართველი შემტევის მიმართ ინტერესს ინგლისის პრემიერ ლიგის კლუბები იჩენენ.