სიმეონე: “მესის “ატლეტიკოს” მაისურით რომ ეთამაშა, “ბარსელონას” დავამარცხებდით”
მადრიდის “ატლეტიკოს” მთავარმა მწვრთნელმა, დიეგო სიმეონემ “ბარსელონასთან” განცდილი დასანანი მარცხის შემდეგ პრესასთან ისაუბრა. არგენტინელმა სპეციალისტმა ლეო მესის ფაქტორიც გამოყო, რომელიც შეხვედრაში გატანილი ერთადერთი გოლის ავტორი გახლავთ.
“ამ მატჩის სცენარი წინა შეხვედრის ანალოგიური იყო. პირველ ტაიმში სწორედ ისინი დომინირებდნენ, ჩვენი თამაშის ჩვენების უფლებას არ გვაძლევდნენ. თუმცაღა შემდეგ ყველაფერი გამოვასწორეთ და ისე ჩანდა, რომ თამაში ფრედ უნდა დასრულებულიყო. შემდეგ კი მინიმალური ანგარიშით ვმარცხდებით.
უსიამოვნო გრძნობაა ასეთი შანსის ხელიდან გაშვება. მაგრამ აღსანიშნავია ისიც, რომ გუნდი ნამდვილად მუშაობს. მეორე ტაიმში ბრწყინვალე რეაქციები ვიხილეთ ჩვენი მხრიდან. გვქონდა შანსებიც, თუმცა მათი რეალიზება ვერ შევძელით.
მესი? ის განსაკუთრებული მოთამაშეა. მესის რომ ჩვენი მაისურით ეთამაშა, გამარჯვება ჩვენ დაგვრჩებოდა,” – აცხადებს სიმეონე.
