კოვაჩიჩი: “ეს კლუბი ჩემპიონთა ლიგაზე თამაშისთვისაა დაბადებული!”

“რეალმა” საფრანგეთში კიდევ ერთი დიდებული მატჩი გამართა და ჩემპიონთა ლიგის 1/4-ფინალური ეტაპის საგზურსაც დაეუფლა ( “ბლანკოსმა” უძლიერესი “პსჟ” ორმატჩიან დუელში ანგარიშით 5-2 დაამარცხა). მატეო კოვაჩიჩი ესპანელთა ამ გამარჯვებას მაშინვე გამოეხმაურა.

“ნამდვილად დიდებული გრძნობაა. ურთულესი მატჩის მოგება მოვახერხეთ. ჩვენმა მეტოქემ ლამაზი ფეხბურთი შემოგვთავაზა, თუმცა ჩვენ მათ უკეთესი ფეხბურთი დავუპირისპირეთ.

მართალია, ბურთი მათი კონტროლის ქვეშ იყო, მაგრამ ჩვენ აგრესიულად ვეთამაშებოდით და თამაშის სადავეებს ვფლობდით.

ჩვენი დამარცხება ძალიან რთულია, როდესაც ასე ვთამაშობთ. გასაოცარია, თუ როგორ გარდაიქმნება გუნდი ჩემპიონთა ლიგაზე. ეს კლუბი სწორედ ჩემპიონთა ლიგაზე თამაშისთვის არის დაბადებული!” – აცხადებს მატეო კოვაჩიჩი.