რონალდუ: “ეს ჩემს კარიერაში არასოდეს მომხდარა”

მადრიდის “რეალის” თავდამსხმელმა, კრიშტიანო რონალდუმ ჩემპიონთა ლიგის მეოთხედფინალური ეტაპის პირველი შეხვედრის დასრულების შემდეგ “იუვენტუსის” გულშემატკივრებს მადლობა გადაუხადა.

როგორც იცით, 3 აპრილს “სამეფო კლუბმა” “იუვენტუსი” ტურინში 3:0 დაამარცხა. შეხვედრაში დუბლი გაიფორმა კრიშტიანო რონალდუმ, რომელმაც მეორე გოლი მაკრატელა დარტყმით გაიტანა. ამ გოლის შემდეგ მას “იუვეს” გულშემატკივრები ფეხზე წამოუდგნენ და ტაში დაუკრეს.

“ეს ჩემთვის დაუჯერებელი მომენტი იყო. “იუვენტუსის” ყველა გულშემატკივარს მადლობას ვუხდი. რაც მათ ჩემთვის გააკეთეს, გასაოცარი იყო. ძალიან გახარებული ვარ. ეს ჩემს კარიერაში აქამდე არასოდეს მომხდარა”, – განაცხადა რონალდუმ.

Juventus fans applauding Cristiano after his 2nd goal ??? pic.twitter.com/kj4VkBhJCT

— Cristiano Ronaldo (@TeamCRonaldoTV) April 3, 2018