კრაუჩი: “რონალდუ და მესი ყველა დროის საუკეთესო ფეხბურთელები არიან”
“სტოკ სიტის” თავდამსხმელმა, პიტერ კრაუჩმა კრიშტიანო რონალდუსა და ლიონელ მესის შესახებ ისაუბრა. “ლივერპულის” ყოფილი შემტევი თვლის, რომ ისინი ყველა დროის საუკეთესო ფეხბურთელეი არიან.
“არასოდეს მინახავს დიეგო მარადონას თამაში, რა თქმა უნდა, ტელევიზორში ნაჩვენებ კადრებს თუ არ ჩავთვლით. ასევე, იოჰან კრუიფისა და პელეს ვიდეოებს ვუყურებდი. წამიკითხავს ალფრედო დი სტეფანოსა და ფერენც პუშკაშის შესახებ, მაგრამ სიმართლე გითხრათ, მჯერა, რომ რონალდუ და მესი ყველა დროის საუკეთესო ფეხბურთელები არიან.
რამდენიმე კვირის წინ ვთქვი, შვილიშვილებს მოვუყვები იმის შესახებ, რომ მესის წინააღმდეგ მითამაშია, ასევე, მათ იმასაც ვეტყვი, რომ რონალდუს წინააღმდეგ ვითამაშე.
ხალხი მსჯელობს იმის შესახებ, ვინ არის ამ ორ ფეხბურთელს შორის უკეთესი, რაც ნამვილად საინტერესოა. მე ყოველთვის მესის ბანაკში ვიყავი, რადგან ვფიქრობ, რომ ის ღმერთისგან მინიჭებული ტალანტით თმაშობს, რონალდუმ კი ბევრი შრომით უმაღლეს მწვერვალებს მიაღწია.
არავინ იცის, კიდევ რამდენი ხანი მოგვიწევს მათი ყურება, ამიტომ უკეთესი იქნება, თუ მათი თამაშით სიამოვნებას მივიღებთ”, – ციტირებს კრაუჩის სიტყვებს “დეილი მეილი”.
