ლუკას ვასკესის კომენტარი “ბაიერნთან” მოგებული მატჩის შემდეგ
მადრიდის “რეალის” შემტევმა, ლუკას ვასკესმა, რომელიც მიუნხენის “ბაიერნის” კარში გატანილი მეორე გოლის ერთ-ერთი მთავარი შემოქმედი გახლავთ, მატჩის შემდეგ პრესასთან ისაუბრა.
“ძალიან კარგად ვიცოდით, რომ წინ ურთულესი მატჩი გველოდა და სასურველი შედეგის მისაღებად დიდი ბრძოლის გადატანა მოგვიწევდა. ოთხმოცდაათი ძალიან დაძაბული წუთი გავატარეთ მოედანზე.
ძალიან კარგად ვითამაშეთ. რაც შეეხება გოლის მომენტს, მარკომ ძალიან კარგ დროს მომცა პასი და არც მე დავაგვიანე. დამაგვირგვინებელ ფაზაში ის შესანიშნავი იყო. რა თქმა უნდა, ჩემი თანაგუნდელების დახმარების წყალობით, ყველაფერი უფრო და უფრო მიადვილდება.
რიბერი, მსგავსად თანაგუნდელებისა, ბრწყინვალედ გამოიყურებოდა, როგორც 25 წლის ასაკში. ამ გუნდმა შარშანაც დიდი პრობლემები შეგვიქმნა, ასე რომ, ფინალში გასასვლელად კიდევ ერთი კარგი თამაში უნდა ვაჩვენოთ,” – აცხადებს ვასკესი.
