ინიესტა: “ეს “ბარსელონაში” ჩემი ბოლო სეზონია”

ანდრეს ინიესტამ დაადასტურა, რომ მიმდინარე სეზონის დასრულების შემდეგ ის კატალონიის “ბარსელონას” დატოვებს.

33 წლის ფეხბურთელმა დღეს პრესკონფერენცია გამართა, სადაც თქვა, რომ ის კარიერას ევროპაში არ გააგრძელებს, რადგან “ბარსელონას” წინააღმდეგ თამაში არ სურს.

“ეს “ბარსელონაში” ჩემი ბოლო სეზონია. ამ კლუბმა ყველაფერი მომცა. ადრეც ვთქვი, რომ “ბარსელონას” წინააღმდეგ არასოდეს ვითამაშებ, ამიტომ კარიერას ევროპაში არ გავაგრძელებ”, – თქვა ინიესტამ პრესკონფერენციაზე.

შეგახსენებთ, რომ ინიესტა “ბარსელონაში” 1996 წელს ჩაირიცხა. მან კატალონიელებთან ერთად ლა ლიგა რვაჯერ, ხოლო ჩემპიონთა ლიგა ოთხჯერ მოიგო.

? Andrés Iniesta: "This is my last season here" Your legacy is infinite. #infinit8Iniesta pic.twitter.com/2ZBQxjyVFv

— FC Barcelona (@FCBarcelona) April 27, 2018