რამოსი: “შეუძლებელი შესაძლებლად ვაქციეთ”

მადრიდის “რეალის” ესპანელ კაპიტანს, სერხიო რამოსს, სჯერა, რომ დედაქალაქურ კლუბს ყველაფერი აქვს ჩემპიონთა ლიგის ზედიზედ მესამედ მოსაგებად. შეგახსენებთ, რომ ნახევარფინალური ეტაპის პირველ მატჩში “ბლანკოსმა” “ბაიერნი” დაამარცხა (2:1).

“უდიდეს პატივს ვცემთ მიუნხენის “ბაიერნს”, მაგრამ ჩვენ ჩვენს სათქმელს მოედანზე ვამბობთ,” – ასე გამოეხმაურა რამოსი ჰაინკესის კომენტარს, რომლის თაანხამდაც, “ბავარიას” “რეალის” დამარცხება შეუძლია.

“ყველა ძალიან კარგად იცნობს “რეალის” ისტორიას. თუ ვინმეს ეჭვი ეპარება, უბრალოდ არქივები უნდა გახსნან. ჩვენ შეუძლებელი შესაძლებლად ვაქციეთ და ჩემპიონთა ლიგა ზედიზედ ორჯერ მოვიგეთ, რასაც არავინ ელოდა.

მეორე მატჩში ისე ვითამაშებთ, თითქოს პირველი შეხვედრის ანგარიში 0-0 იყოს. ყველაფერს გავაკეთებთ ფინალური საგზურის მოსაპოვებლად,” – აცხადებს ესპანელი მცველი.

რამოსი “ბარსელონას” ჩემპიონობასაც გამოეხმაურა: “დიდებული სეზონი გამოდგა “ბარსელონასთვის”, ორი ტიტულის მოგება შესანიშნავი რამ არის. მაგრამ ჩემთვის ჩემპიონთა ლიგა ორივე მათგანზე მეტია.”