ევროპის ლიგის ფინალისტები გამოვლინდნენ

3 მაისს, უეფას ევროპის ლიგის ნახევარფინალური ეტაპის განმეორებითი შეხვედრები გაიმართა. ტურნირის ფინალში ერთმანეთს მადრიდის “ატლეტიკო” და “მარსელი” დაუპირისპირდებიან.

“ატლეტიკო” – “არსენალი” 1:0
ორი მატჩის ჯამში – 2:1

მადრიდის “ატლეტიკო” საკუთარ მოედანზე ლონდონის “არსენალს” დაუპირისპირდა. მადრიდელები მთელი მატჩის განმავლობაში უპირატესობას ფლობდნენ. შეხვედრის ერთადერთი გოლი პირველი ტაიმის დამატებით წუთებში დეიგო კოშტამ გაიტანა.

“სალსბურგი” – “მარსელი” 2:1
ორი მატჩის ჯამში – 2:3

პირველი მატჩის შემდეგ, ცოტა თუ ელოდა იმას, რომ “სალსბურგი” “მარსელს” ორბურთიანი სხვაობით დაამარცხებდა. ანგარიში 53-ე წუთზე ჰაიდარამ გახსნა, 65-ე წუთზე სარის ავტოგოლის შემდეგ კი ანგარიში 2:0 გახდა. ამ წყვილში გამარჯვებული დამატებით ტაიმებში გამოვლინდა. 116-ე წუთზე, სტუმართა მცველმა, როლანდომ მასპინძელთა კარში გოლი გაიტანა და საბოლოო შედეგი დააფიქსირა.

ევროპის ლიგის ფინალი 16 მაისს გაიმართება.