“სპორტინგის” ფეხბურთელებს საკუთარი გუნდის ფანები თავს დაესხნენ (ფოტო)

ლისაბონის “სპორტინგის” ფანების ნაწილი გუნდის ფეხბურთელებს თავს დაესხა. ინციდენტი კლუბის ბაზაზე მოხდა, როცა გუნდი პორტუგალიის თასის ფინალისათვის ემზადებოდა. ფანებმა თავდამსხმელს, ბას დოსტს თავზე დაზიანება მიაყენეს.

“სპორტინგმა” პორტუგალიის ჩემპიონატი მე-3 ადგილზე დაასრულა, ბოლო ტურში გადაწყდა, რომ გუნდმა ჩემპიონთა ლიგაზე თამაშის უფლება ვერ მოიპოვა.

მომხდართან დაკავშირებით, კლუბმა განცხადება გაავრცელა:

“ეს “სპორტინგი” არ არის, “სპორტინგი” ასეთი ვერ იქნება. ყველაფერს გავაკეთებთ, რომ ამ საქმეს სრული პასუხისმგებლობით მოვეკიდოთ და თითოეული წევრი, ვინც ამ თავდასხმაში მონაწილეობდა, დაისაჯოს”, – ვკითხულობთ განცხადებაში.