ფლორენტინო პერესი ზიდანის წასვლას გამოეხმაურა
მადრიდის “რეალში” გატარებული სამი ბრწყივნალე წლის შემდეგ, ზინედინ ზიდანმა, ყველასათვის მოულოდნელად კლუბიდან წასვლის გადაწყვეტილება მიიღო. ფრანგის ეს ქმედება კლუბის პრეზიდენტმა, ფლორენტინო პერესმა, განიხილა.
“ჩემპიონთა ლიგის ზედიზედ მესამედ მოგების შემდეგ, მისი ასეთი გადაწყვეტილება ნამდვილად მოულოდნელი იყო. ძალიან ცუდი დღეა ჩემთვის, ფეხბურთელებისა და ფანებისთვის.
მან ძალიან კარგად იცის, რომ ისევე როგორც ფეხბურთელი, ასევე მწვრთნელი, ყოველთვის სასურველი იყო ჩემთვის. მინდოდა ის კიდევ დიდი ხნით დარჩენილიყო ჩვენთან. ახლა მხოლოდ ის შემიძლია, რომ ვუთხრა – ეს კლუბი შენი ოჯახია.
გუშინ სახლში მივაკითხე იმის სანახავად, იყო თუ არა მზად. მითხრა, რომ დარწმუნებული იყო თავის გადაწყვეტილებაში. მადლობას ვუხდი მას ყველაფრისთვის, რაც “რეალისთვის” გააკეთა.
არ მინდა მას დავემშვიდობო – “მალე გნახავ”. დარწმუნებული ვარ, რომ ის “რეალში” დაბრუნდება”, – აცხადებს ფლორენტინო პერესი.
