რაკიტიჩი: “თუ რონალდუ “რეალს” დატოვებს, მაშინ…”

კატალონიის “ბარსელონას” ნახევარმცველი, ივან რაკიტიჩი მადრიდის “რეალიდან” ზინედინ ზიდანის წასვლის ამბავსა და კრიშტიანო რონალდუს მიერ გაკეთებულ განცხადებას გამოეხმაურა.

როგორც იცით, რონალდუმ ჩემპიონთა ლიგის ფინალში “ლივერპულთან” გამარჯვების შემდეგ თქვა, რომ ის საკუთარ მომავალთან დაკავშირებით უახლოეს ხანებში განცხადებას გააკეთებდა. ამავდროულად, სამეფო კლუბის მთავარი მწვრთნელის პოსტი ზიდანმა დატოვა.

“თავდაპირველად, ზიდანის გადაწყვეტილებით გაკვირვებული არ დავრჩენილვარ. მან გუნდის დატოვებისათვის შესაფერისი დრო გამონახა. მან “რეალი” ძალიან მაღალ დონეზე აიყვანა. რაც შეეხება რონალდუს განცხადებას, რთულად დასაჯერებელია, რომ ის “რეალიდან” წავა. თუმცა, ფეხბურთში ბევრი რამ სწრაფად იცვლება… არ მოგატყუებთ და გეტყვით: თუ კრიშტიანო გუნდს დატოვებს, გამიხარდება!” – ციტირებს რაკიტიჩის სიტყვებს “მარკა”.