რონალდო: “დროა, ბრაზილიის ნაკრებმა მსოფლიოს ჩემპიონატი მოიგოს”
ლეგენდარულმა ბრაზილიელმა ფეხბურთელმა რონალდომ მოახლოებულ მსოფლიოს ჩემპიონატზე ისაუბრა და იმედი გამოთქვა, რომ 16-წლიანი პაუზის შემდეგ ბრაზილიის ნაკრები კვლავ მოიგებს მუნდიალს.
“ბრაზილიელები ბავშვობიდანვე ოცნებობენ მსოფლიოს ჩემპიონატზე თამაშზე. არ მე ვიყავი გამონაკლისი და ეს ნატვრა რამდენჯერმე ამიხდა.
მსოფლიოს ჩემპიონატზე საუკეთესო გუნდები და მწვრთნელები იყრიან თავს. მუნდიალი საუკეთესო ტურნირია, განსაკუთრებული მოვლენაა. ფეხბურთი სპორტის ყველაზე პოპულარული, ყველაზე მნიშვნელოვანი სახეობაა.
ბრაზილიის ნაკრებს გულმხურვალედ ვქომაგობ. “სელესაოს” ძალიან ძლიერი შემადგენლობა ჰყავს. დროა, მსოფლიოს ჩემპიონატი მოვიგოთ. ესპანელებს, გერმანელებს, არგენტინელებსა და ფრანგებსაც ძლიერი გუნდები ჰყავთ. 2002 წლის შემდეგ ბევრი დრო გავიდა. იმედია, ბრაზილიის ნაკრები გაიმარჯვებს”, – ციტირებს რონალდოს სიტყვებს “სპორტ-ექსპრესი”.
შეგახსენებთ, რომ ბრაზილიელები მსოფლიოს ჩემპიონატის ჯგუფურ ეტაპზე შვეიცარიელების, კოსტა რიკელებისა და სერბების წინააღმდეგ ითამაშებენ.
