პოგბა: “ყველაზე ძვირადღირებულიდან ყველაზე ხშირად გაკრიტიკებული მოთამაშე გავხდი”

საფრანგეთის ნაკრებისა და “მანჩესტერ იუნაიტედის” ნახევარმცველმა პოლ პოგბამ მის მიმართ არსებულ კრიტიკაზე ისაუბრა.

“ფეხბურთელის თამაშზე ყოველთვის მისი შედეგი მეტყველებს. სხვებთან შედარებით მე ნაკლებად მპატიობენ შეცდომებს. მე გავიარე გზა მსოფლიოს ყველაზე ძვირადღირებულიდან ყველაზე ხშირად გაკრიტიკებულ მოთამაშემდე.

გულით მინდა, რომ საფრანგეთის ნაკრების ლიდერი გავხდე. ყველანაირად ვეცდები, რომ ეს სურვილი ავისრულო”, – ციტირებს პოგბას სიტყვებს Téléfoot-ი.

შეგახსენებთ, რომ მსოფლიოს ჩემპიონატის ჯგუფურ ეტაპზე გუშინ საფრანგეთის ნაკრებმა ავსტრალია ანგარიშით 2:1 დაამარცხა. პოგბამ გამარჯვების გოლი გაიტანა.