ხორვატიამ საჩემპიონო თამაში აჩვენა, არგენტინა პარალიზებულია (ვიდეო)

მსოფლიო ჩემპიონატი უფრო და უფრო საინტერესო ხდება. დღეიდან ტურნირის მთავარ აღმოჩენად თამამად შეგვიძლია მივიჩნიოთ ხორვატიის საფეხბურთო ნაკრები, რომელმაც საჩემპიონო თამაში აჩვენა და არგენტინის ნაკრები, რომელსაც მუნდიალის მოგების ერთ-ერთ მთავარ ფავორიტად მოისაზრებდნენ, უშანსოდ გაანადგურა.

მატჩის პირველი ნახევარი დაზვერვით ხასიათს ატარებდა, თუმცა უპირატესობას მაინც ხორვატები ფლობდნენ. არგენტინელები მეტოქის კართან სახიფათო მომენტების შექმნას ვერ ახერხებდნენ, მათი მეტოქე ფეხბურთელები კი კიდევ უფრო ორგანიზებულ თამაშს აჩვენებდნენ.

მეორე ტაიმის დაწყებისთანავე, ხორვატებმა უპირატესობა გოლად გარდაქმნეს, თავის რებიჩმა გამოიჩინა. გაშვებული გოლის შემდეგ სამპაოლიმ აგუერო და ენცო პერესი გაიყვანა და იგუაინი ჩართო თამაშში დიბალასთან ერთად (მოგვიანებით). თუმცა სამპაოლის ბიჭებმა ვერაფერი გააწყვეს და საკუთარ კარში ორი გოლი მიიღეს – ლუკა მოდრიჩისა და რაკიტიჩისაგან.

ასე რომ, ხორვატია ბრწყინვალე ორგანიზებულ თამაშს აჩვენებს, ლეო მესის არგენტინა კი ჯგუფში ჩარჩენის ძალიან დიდი საშიშროების წინაშე დგას. ვნახოთ, როგორ განვითარდება მოვლენები უახლოეს მომავალში.

მსოფლიოს ჩემპიონატი
D ჯგუფი (2 ტური)
არგენტინა – ხორვატია 0:3 (0:0)
გოლები: რებიჩი 53′ მოდრიჩი 80′ რაკიტიჩი 90+1′