ნიგერიამ ისლანდია დაამარცხა, არგენტინა შანსს ინარჩუნებს (ვიდეო)
მსოფლიო ჩემპიონატის D ჯგუფში მეორე ტურის შეხვედრები დასრულდა. ჯგუფის მეოთხე მატჩში ნიგერიისა და ისლანდიის საფეხბურთო ნაკრებები დაუპირისპირდნენ ერთმანეთს. ამ მატჩს დიდი ყურადღებით ადევნებდნენ თვალს არგენტინის ფანებიც.
როგორც მოსალოდნელი იყო, მატჩი არც ისე სანახაობრივი გამოდგა. მოგების შემთხვევაში ისლანდია თითქმის ინაღდებდა მომდევნო ეტაპის საგზურს, გამომდინარე აქიდან, ევროპელები ძალიან მოტივირებულები იყვნენ.
უღიმღამო მატჩში ხალისი აჰმედ მუსამ შემოიტანა, რომელმაც შეხვედრის 49-ე წუთზე ბრწყინვალე გოლი გაიტანა. 75-ე წუთზე კი ამ უკანასკნელმა ანგარიში ორამდე გაზარდა. ისლანდიელებმა საპასუხო გოლი ვერ გაიტანეს.
ჯგუფის ბოლო ტურში არგენტინა ნიგერიას დაუპირისპირდება, ხორვატია კი ისლანდიას.
მსოფლიოს ჩემპიონატი
D ჯგუფი (2 ტური)
ნიგერია – ისლანდია 2:0 (0:0)
გოლები: აჰმედ მუსა 49′ 75′
