დი მარია: “რეალი” მოითხოვდა, რომ მსოფლიო ჩემპიონატის ფინალი გამომეტოვებინა”
მადრიდის “რეალის” ყოფილი გარემარბი, ანხელ დი მარია, რომელიაც 2014 წლიდან “პარი სენ-ჟერმენის” ღირსებას იცავს, პრესასთან გულღიად საუბრობს და აცხადებს, თუ რა ხდებოდა იმ წლის ზაფხულში.
“ყველამ იცოდა, რომ “რეალს” ხამეს როდრიგესის ყიდვა უნდოდა მსოფლიო ჩემპიონატის შემდეგ და მისთვის ადგილის გასათავისუფლებად, ჩემს გაყიდვას გეგმავდნენ. ეს მაშინვე ვიცოდი.
მსოფლიო ჩემპიონატის ფინალში ტრავმის გართულების შანსი იყო და მათ არ უნდოდათ, რომ თავიანთი პროდუქრი დაზიანებულიყო. “რეალის” ექიმებმა წერილი გამომიგზავნეს, მე კი წაუკითხავად დავხიე ის და ვთქვი “გადაწყვეტილებებს მე ვიღებ”.
მზად ვიყავი ფინალში მეთამაშა, თუნდაც კარიერის დასრულების ტოლფასი ყოფილიყო. მაგრამ არც ის მინდოდა, გუნდის საქმე გამეფუჭებინა. მწვრთნელთან მივედი და ყველაფერი მოვუყევი, ვუთხარი რომ მის გადაწყვეტილებას დავემორჩილებოდი.
მატჩის წინ, მწვრთნელმა არჩევანი ენცო პერესზე გააკეთა, რადგანაც ის ასი პროცენტით მზად იყო. მე ამ გადწყვეტილებას მშვიდად შევხვდი,” – აცხადებს დი მარია.
