პორტუგალია B ჯგუფში მეორე ადგილზე გავიდა (ვიდეო)

მსოფლიოს ჩემპიონატის მერვედფინალურ ეტაპზე B ჯგუფიდან გასვლის შანსს ერთბაშად სამი გუნდი ინარჩუნებდა და როგორც მოსალოდნელი იყო, მომდევნო რაუნდზე ესპანეთისა და პორტუგალიის ნაკრებები გავიდნენ. ჯგუფური ეტაპის დასკვნით ტურში პორტუგალიელები ირანელებს დაუზავდნენ. ევროპელები რიკარდო კუარეჟმამ დააწინაურა, თუმცა მატჩის მიწურულს კარიმ ანსარიფარდმა თერთმეტმეტრიანი დარტყმით წონასწორობა აღადგინა და პორტუგალიელებს გამარჯვება არ დაანება – 1:1. აღსანიშნავია, რომ მატჩში კრიშტიანუ რონალდუმ პენალტი ვერ გამოიყენა, მისი დარტყმული მეკარემ მოიგერია.

ამრიგად, ჯგუფში პირველი ადგილი ესპანეთის ნაკრებმა დაიკავა, მეორეზე პორტუგალია გავიდა, მესამე პოზიცია ირანმა დაიკავა, ხოლო მეოთხე – მაროკომ.

მსოფლიოს ჩემპიონატი
B ჯგუფი (III ტური)
ირანი — პორტუგალია 1:1 (0:1)
გოლები: კუარეჟმა 45′ — ანსარიფარდი 90+3′ (პენ).
გამოუყენებელი პენალტი: რონალდუ 53′ (მეკარე).