“პარი სენ-ჟერმენი” მზადაა, კოუტინიოს ტრანსფერში 270 მილიონი გადაიხადოს
“პარი სენ-ჟერმენის” ხელმძღვანელები არ წყვეტენ ჩვენს გაოცებას. ამჯერად “პარიზელების” მთავარ სამიზნეს “ბარსელონას” ბრაზილიელი ნახევარმცველი ფილიპე კოუტინიო წარმოადგენს.
როგორც ცნობილი ხდება, “პსჟ” მზადაა 26 წლის ფეხბურთელის ტრანსფერში რეკორდული თანხა – 270 მილიონი ევრო გადაიხადოს. თუმცა ეს თანხა არა პირდაპირ კლუბის, არამედ მისი აგენტის ანგარიშზე დაირიცხება.
შეგახსენებთ, რომ ჰავბეკის კონტრაქტში მის გამოსასყიდ თანხად 400 მილიონი ევროა მითითებული, ხელშეკრულებას კი ვადა 2023 წელს ეწურება.
საფრანგეთის ჩემპიონს კოუტინიოს ტრასნფერის იდეა მისმა თანამემამულემ, ნეიმარმა, მიაწოდა, რომელიც “პსჟ”-ში “ბარსელონადან” გადაბარგდა 222 მილიონი ევროს სანაცვლოდ.
კოუტინიო, თავის მხრივ, მიმდინარე წლის ზამთარში გადავიდა “ლივერპულიდან” “ბარსელონაში”. “ლურჯ-ბროწეულისფრებს” მისი ტრანსფერი 125 მილიონი ევრო დაუჯდათ.
