ედენ აზარი: “ვფიქრობ, მსოფლიო ჩემპიონატის საუკეთესო ფეხბურთელის წოდება დავიმსახურე”

ბელგიის საფეხბურთო ნაკრების ერთ-ერთმა ლიდერმა, ედენ აზარმა, მსოფლიო ჩემპიონატის მესამე ადგილისთვის გამართულ მატჩში გამარჯვების შემდეგ პრესასთან ისაუბრა.

“თავს ძალიან კარგად ვგრძნობ. ჩვენ სასწაული გავაკეთეთ, შეუძლებელი შევძელით. მესმის, რომ დღევანდელი მატჩი ხვალინდელთან შედარებით ნაკლებად საინტერესოა, მაგრამ ჩვენთვის ეს ყველაზე მნიშვნელოვანი იყო. მსოფლიო ჩემპიონატი იდეალური იყო ჩვენთვის. ახლა კი მომავალზე უნდა ვიზრუნოთ.

ვფიქრობ, მსოფლიო ჩემპიონატის საუკეთესო ფეხბურთელის წოდება დავიმსახურე, თუმცა ასე ფიქრობენ სხვებიც. ჩემთვის ასეთი საკითხები ყოველთვის მეორეხარისხოვანია. მთავარია, გუნდი გაძლიერდეს და წარმატებული იყოს. თუ ამ პრიზს მომცემენ, ბედნეირი ვიქნები.

ხვალინდელი ფინალი? თუ ჩემს შვილებს მოუნდებათ, ვუყურებთ და თუ სხვა რამის ყურების სურვილი ექნებათ, მაშინ – არა,” – აცხადებს აზარი.