“ტორპედომ” სლოვაკი თავდამსხმელი გაიფორმა

ქუთაისის “ტორპედომ” 30 წლის სლოვაკი ფორვარდი მილოშ ლაჩნი დაიმატა. მხარეებს შორის ერთწლიანი შრომითი ხელშეკრულება გაფორმდა.

მილოშ ლაჩნი ბოლოს სლოვაკური “ჟილინას” ღირსებას იცავდა. მანამდე ის ისეთ გუნდებში თამაშობდა, როგორებიც “რუზომბეროკი” (სლოვაკეთი), “შლიონსკი” (პოლონეთი), “გროდნო” (ბელორუსი), “დანდი იუნაიტედი” (შოტლანდია) და პრაღის “სპარტა” (ჩეხეთი) არიან. 2009-2010 წლების სეზონში მილოშ ლაჩნიმ ჩეხეთის ჩემპიონატი მოიგო, 2010-2011 წელს კი ქვეყნის სუპერთასიც დაიბევა.

მილოშ ლაჩნის ევროტურნირებზე ჩატარებულ 16 მატჩში ორი გოლი აქვს გატანილი. ის იყო სლოვაკეთის ახალგაზრდული ნაკრების წევრიც.

ფეხბურთელი უკვე ქუთაისშია და გუნდთან ერთად ევროპის ლიგის მეორე საკვალიფიკაიო ეტაპის მატჩისთვის ემზადება.