პოგბამ ვუდვორდსა და თანაგუნდელებს უკვე განუცხადა, რომ კლუბის დატოვება უნდა
ბრიტანულ პრესაში გრძელდება საუბარი პოლ პოგბას მომავალთან დაკავშირებით. Daily Mail ირწმუნება, რომ ფრანგმა ნახევარმცველმა საკუთარი სურვილის შესახებ უკვე აცნობა კლუბის აღმასრულებელ დირექტორ ედ ვუდვორდსა და თავის თანაგუნდელებს.
როგორც მოსალოდნელი იყო, “მანჩესტერ იუნაიტედი” მაქსიმალურად ცდილობს 25 წლის ფეხბურთელის შენარჩუნებას, რადგანაც მისი შემცვლელის პოვნა სატრანსფერო ფანჯრის დახურვამდე (10 აგვისტოს იხურება) ძალიან რთული იქნება.
აქამდე კი ვრცელდებოდა ინფორმაცია, რომ პოგბას ტრანსფერით “ბარსელონა” იყო დაინტერესებული. კატალონიელები “მანჩესტერ იუნაიტედს” იერი მინას, ანდრე გომეშსა და 45 მილიონ ევროს სთავაზობდნენ პოგბას ტრანსფერის სანაცვლოდ.
ცნობისთვის გეტყვით, რომ ინგლისურ კლუბებს ფეხბურთელის დამატების უფლება 10 აგვისტომდე აქვთ, თუმცა მათი ფეხბურთელის შეძენა სხვა კლუბებს 31 აგვისტომდე შეეძლებათ.
