კლოპი: “არ მინდა, მოგებისთვის ყველაფერს ვკადრულობდე, როგორც რამოსი”
მერსესაიდული “ლივერპულის” მთავარი მწვრთნელი იურგენ კლოპი კვლავ ვერ ივიწყებს ჩემპიონთა ლიგის ფინალში რამოსსა და სალაჰს შორის მომხდარ ინციდენტს, რის შედეგადაც შესანიშნავ ფორმაში მყოფმა სალაჰმა ტრავმა მიიღო.
“არ მინდა, მოგებისთვის ყველაფერს ვკადრულობდე. რა თქმა უნდა, მინდა ჩემპიონთა ლიგა მოვიგო. რამოსისგან მედლის დაბრუნებას ნამდვილად არ ველი, უბრალოდ მინდა კონკრეტულ სიტუაციებში თავის ქცევაზე დაფიქრდეს.
შესაძლოა, შემთხვევითობაც ყოფილიყო, მაგრამ ფაქტია, რომ სალაჰმა ტრავმა შუა მოედანზე, კარიერის უმნიშვნელოვანეს მომენტში მიიღო, როდესაც ფორმის პიკში იმყოფებოდა.არ მინდა ბავშვებს ასეთი მაგალითი მივცეთ. თუ ასე იქნება, დიდი სიამოვნებით დავტოვებდი ამ პლანეტას მომავალი ორმოცი წლის ვადაში.
“რეალმა” ჩემპიონობა დაიმსახურა და სხვა რამ არც არავის უთქვამს. მაგრამ სულაც არ არის აუცილებელი ასეთი მომენტები ვიხილოთ რამოსის მონაწილეობით, როგორიც სიმულიანტობა და წითელი ბარათებია (კუადრადოს ეპიზოდი),” – აცხადებს გერმანელი სპეციალისტი.
