უილფრედ ზაჰა “კრისტალ პალასის” ისტორიაში შევიდა

პრემიერ ლიგის 2018/19 წლების სეზონის დაწყება უილფრედ ზაჰამ ბრწყინვალედ აღნიშნა. ამ უკანასკნელმა “ფულჰემის” კარში გოლის გატანა შეძლო, რითიც “კრისტალ პალასის” ისტორიაში პრემიერ ლიგაში გატანილი ყველაზე მეტი გოლის ავტორ ქრის არმსტრონგს გაუთანაბრდა.

შეგახსენებთ, რომ 25 წლის კოტ-დიუვარელი ფეხბურთელი “არწივების” რიგებში 2015 წელს გაწევრიანდა და სულ რაღაც სამი სეზონი დასჭირდა კლუბისთვის სარეკორდო რაოდენობის გოლების გასატანად (23).

გეტყვით იმასაც, რომ არმსტრონგმა თავისი ბოლო გოლი “კრისტალ პალასის” მაისურით 1995 წელს გაიტანა. ზაჰას ამ რეკორდის დამხობის მომდევნო შანსი 20 აგვისტოს მიეცემა, როდესაც მისი გუნდი “ლივერპულს” მიიღებს.