ლუჩანო სპალეტი:”მოდრიჩს “ინტერში” ძალიან უნდოდა, მაგრამ “რეალი” კვლავაც მის იმედზეა”
მილანის “ინტერის” მთავარი მწვრთნელი ლუჩანო სპალეტი მადრიდის “რეალის” ხორვატ ნახევარმცველ ლუკა მოდრიჩზე საუბრისას აღიარებს, რომ მისი ტრანსფერის შანსები ძალიან დაბალია.
“არ ვიცი, რა მოხდება მომავალში, მაგრამ ბედნიერებისთვის ისიც მყოფნის, რომ მოდრიჩის დონის ფეხბურთლს, რომელსაც ჩემპიონთა ლიგის ოთხი ტიტული აქვს მოგებული და მსოფლიო ჩემპიონატზეც უთამაშია, ჩვენთან გადმოსვლა უნდოდა.
ის ფაქტი, რომ მოდრიჩს “ინტერის” მაისურით სურდა თამაში, სიამოვნებას მგვრის. რა თქმა უნდა, ასეთი ფეხბურთელების დამატება ძალიან რთულია. კლუბმა ყველაფერი გააკეთა, რაც შეეძლო.
არა მგონია, მოდრიჩი გადმოვიდეს, რადგანაც “რეალში” კვლავ სურთ, რომ ასეთ ძლიერ ფეხბურთელს დაეყრდნონ. ამის მიუხედავად, მაინც ძლიერი გუნდი გვყავს და თუ მოდრიჩი დაგვემატება, წარმოუდგენლად რთული იქნება ჩვენი შეჩერება,” – აცხადებს სპალეტი.
აქვე იხილეთ: როგორ შეხვდნენ “რეალის” ფანები ლუკა მოდრიჩის დაბრუნებას
