ერიკ დაიერი: “ჩემპიონთა ლიგაზე საუკეთესო გუნდების წინააღმდეგ სათამაშოდ ვართ”
ლონდონის “ტოტენჰემის” ინგლისელმა ნახევარმცველმა ერიკ დაიერმა პრესასთან ჩემპიონთა ლიგის ჯგუფური ეტაპის წილისყრა შეაფასა. შეგახსენებთ, რომ “ტოტენჰემი” ჯუფში “ბარსელონასთან”, “ინტერთან” და “პსვ”-თან ერთად იასპარეზებს.
“ჩემპიონთა ლიგაზე საუკეთესო გუნდების წინააღმდეგ სათამაშოთ ვართ, “ბარსელონა” კი ნამდვილად ერთ-ერთი მათგანია. გასულ სეზონში “რეალთან” ვითამაშეთ, წელს კი “ბარსელონა”. ფანტასტიკური გამოწვევაა ჩვენი გუნდისთვის, რომელსაც მოუთმენლად ველით.
ყველას უნდა თავისი შესაძლებლობები მოსინჯოს მსოფლიოს საუკეთესო ფეხბურთელების წინააღმდეგ, მაგრამ ეს უბრალოდ ტესტი არ არის, გვინდა ისინი დავამარცხოთ.
რაც შეეხება მილანის “ინტერს”, ბოლო დროს მიძინებული იყო, მაგრამ მართლაც რომ დიდ ძალას წარმოადგენს. ძალიან საინტერესო იქნება მათთან და “პსვ”-თან, კიდევ ერთ ძალიან ძლიერ გუნდთან თამაში. ყოველი თამაში ახალი გამოწვევა იქნება, რაც ნამდვილად ამაღელვებელია,” – აცხადებს ერიკ დაიერი.
“დეზები” თავიანთ პირველ მატჩს ჩემპიონთა ლიგაზე 18 სექტემბერს ჩაატარებენ “ინტერის” წინააღმდეგ.
