მაურიციო სარის მიღწევა პრემიერ ლიგაში

მაურიციო სარის მეთაურობით ლონდონის “ჩელსი” წარმატებულ ასპარეზობას აგრძელებს. 1 სექტემბერს ლონდონური გრანდი “ბორნმუთს” დაუპირისპირდა და “ალუბლები” ორბურთიანი სხვაობით დაამარცხა.

ასე რომ, “არისტოკრატებს” პირველ ოთხ მატჩში ოთხი მოგება უგროვდებათ – “ჰადერსფილდთან” (0-3); “არსენალთან” (3-2); “ნიუკასლთან” (1-2) და “ბორნმუთთან( 2-0). ამ შედეგით ისინი მეორე პოზიციას იკავებენ ოთხი ტურის შემდეგ.

ამ შედეგით, 59 წლის სპეციალისტი მაურიციო სარი მეექვსე მწვრთნელი გახდა, რომელმაც პრემიერ ლიგის პირველი ოთხი მატჩიდან ოთხივე მოიგო – აქამდე ეს შეძლეს ჟოზე მოურინიომ (2004 წელი), გუს ჰიდინკმა (2009), კარლო ანჩელოტიმ (2009), პეპ გვარდიოლამ (2016) და კრეიგ შექსპირმა (2017).