“რეალმა” ფრენკი დე იონგის ტრანსფერისთვის 80 მილიონი გაამზადა

მადრიდის “რეალის” ხელმძღვანელებს ახალი სამიზნე ჰყავთ. საუბარია ამსტერდამის “აიაქსის” ნახევარმცველ ფრენკი დე იონგზე, რომლის გადაბირებით “ბლანკოსის” მოსისხლე მტერი “ბარსელონა” გახლავთ დაინტერესებული.

The telegraph-ის მიერ მოპოვებული უახლესი ცნობების თანახმად, მადრიულ გრანდს 21 წლის ფეხბურთელის ტრანსფერისთვის ოთხმოცი მილიონი ევრო აქვთ გამოყოფილი.

“ამ ინფორმაციას ვერც დავადასტურებ და ვერც უარვყოფ. ამის შესახებ მარკ ოვერმარსს უნდა ჰკითხოთ, ის ფლობს წვდომას ამ საკითხებზე,” – აცხადებს ფეხბურთელის აგენტი ალი დურსუნი.

უცხოური მედიის ცნობით, “ბარსელონა” დე იონგის ტრანსფერის განხორციელებას მომავალი ზაფხულისთვის გეგმავს. “აიაქსმა” კლუბს 75 მილიონი ევრო მოსთხოვა.