“ბარსელონა” “ატლეტიკთან” წაგებას ბოლო წუთებზე გადაურჩა (ვიდეო)

ესპანეთი ლა ლიგის მეშვიდე ტურში კატალონიის “ბარსელონამ” საკუთარ მოედანზე ბილბაოს “ატლეტიკი” მიიღო. მატჩი გარდამავალი უპირატესობით მიმდინარეობდა, სააბოლოო შედეგი კი მატჩის დასრულებამდე რამდენიმე წუთით ადრე დაფიქსირდა.

“ჟირონასთან” (2:2) და “ალავესთან” (2:1) დაკარგული ქულების შემდეგ ერნესტო ვალვერდეს ბრწყინვალე შანსი ჰქონდა, ფანების განწყობა თავისი ყოფილი გუნდის დამარცხებით გამოეკეთბინა, თუმცა არ გამოუვიდა.

ერთი შეხედვით, თითქოს, ყველაფერი “ბარსელონას” კარნახით მიდიოდა, თუმცა 41-ე წუთზე დე მარკოსის გოლმა ყველაფერი აურია. მეორე ტაიმში “ბლაუგრანამ” ზეწოლა განახორციელა, თუმცა კარისკენ 12-ჯერ დარტყმულიდან, მხოლოდ ერთი გაეხვა მეტოქის ბადეში – მუნირ ელ ჰადადიმ წონასწორობა მატჩის 84-ე წუთზე აღადგინა.

ასე რომ, 7 მატჩში დაგროვებული 14 ქულით “ბარსელონა” ჯერჯერობით პირველ პოზიციას იკავებს და მომდევნო ტურში “ვალენსიას” ეწვევა. “ბილბაო” კი 7 ქულით მეთოთხმეტეა და მომდევნო ტურში “რეალ სოსიედადს” უმასპინძლებს.