მადრიდის “რეალმა” 11 წლიანი ანტირეკორდი მოხსნა – ლოპეტეგი კაპელოს დაეწია

მადრიდის “რეალმა” ჩემპიონთა ლიგაზე მოსკოვის “ცსკასთან” 1-0 წააგო და G ჯგუფში მე-3 ადგილზე ჩამოქვეითდა.

“რეალმა” ბოლო 11 წლის განმავლობაში ყველაზე ცუდი მაჩვენებელი დააფიქსირა. “ბლანკოსს” ზედიზედ 3 მატჩია გოლი არ გაუტანია, ბოლო მსგავსი შემთხვევა 2007 წელს ფაბიო კაპელოს დროს მოხდა.

მას შემდეგ, რაც ლიგის პირველ თამაშში “რომა” 3-0 გაანადგურეს, მადრიდელებმა მხოლოდ 1 გოლი შეაგდეს “ესპანიოლის” წინააღმდეგ, ხოლო, “სევილიასთან”, “ატლეტიკოსთან” და “ცსკასთან” უგოლოდ გამოირჩნენ.

საინტერესოა, რომ “რეალმა” მოსკოველთა მიმართულებით უშედეგოდ 26-ჯერ დაარტყა და ეს 2003/04 წლების ლიგის სეზონის შემდეგ ყველაზე უარესი მაჩვენებელია.