აზარმა პრემიერლიგის ოთხი საუკეთესო ფეხბურთელი დაასახელა

ლონდონის “ჩელსის” ნახევარმცველმა ედენ აზარმა ინგლისის პრემიერლიგის საუკეთესო ფეხბურთელები გამოარჩია.

“ზოგიერთი თვლის, რომ საუკეთესო მოთამაშეებად ისინი უნდა დასახელდნენ, ვინც ყველაზე მეტ გოლს იტანს. ზოგიერთი ამ მოსაზრებას არ ეთანხმება. მოცემულ პერიოდში მეც კარგად ვთამაშობ, მაგრამ არ მანაღვლებს, დამასახელებენ თუ არა საუკეთესოთა შორის.

პრემიერლიგაში უმაღლესი დონის ბევრი ფეხბურთელი თამაშობს, მათ შორის ერთ-ერთია სერხიო აგუერო. კევინ დე ბრეინე ტრავმირებულია, თუმცა საუკეთესოთა შორის მასაც დავასახელებდი. მოჰამედ სალაჰი გასული სეზონის საუკეთესო მოთამაშეა. ჩვენი გუნდიდან ამ სიაში ნგოლო კანტეს დასახელება შეიძლება”, – ციტირებს აზარის სიტყვებს “დეილი მეილი”.

ცნობისათვის, ედენ აზარმა პრემიერლიგის მიმდინარე გათამაშებაში ჩატარებულ შვიდ მატჩში ექვსი გოლი გაიტანა და ორი შედეგიანი გადაცემა მიითვალა.