ალარდაისი: “ბუსკეტსის ქება უნდა შევწყვიტოთ, დაიერი მას არაფრით ჩამორჩება”
ინგლისის ნაკრების ყოფილმა თავკაცმა სემ ალარდაისმა საკმაოდ ხმაურიანი განცხადება გააკეთა. ამ უკანასკნელმა “ბარსელონას” ესპანელ ნახევარმცველზე სერხიო ბუსკეტზე შექმნილი წარმოდგენა გადამეტებულად მიიჩნია.
“ბუსკეტსის ქება უნდა შევწყვიტოთ, გუშინ (ესპანეთი 0-3 ინგლისი) მან ვერაფერი დაამტკიცა, ძალაგამოცლილი იყო. დაიერი მას არაფრით ჩამორჩება, მის დონეზე დგას.
ბუსკეტსი ძალიან ჭკვიანი ნახევარმცველია, რომელსაც კარგად გამოსდის შეტევების ჩაშლა და პასებსაც სწრაფად აკეთებს. სულ ეს არის. ბუსკეტსი ამაზე მეტს ვერაფერს აკეთებს, თუმცა ყოველთვის აქებენ. ერიკ დაიერიც იმავე საქმეს ასრულებს, მაგრამ შედეგად კრიტიკას უფრო იღებს.
არასწორად ნუ გამიგებთ, ბუსკეტსი ნაკრებისა და გუნდისათვის დიდებული ფეხბურთელია, ძალიან ეფექტური და ყოველი მწვრთნელისთვის ძირითადის მოთამაშე იქნება. თუმცა, როდესაც მას გენიოსს ვუწოდებთ, ეს ნამდვილად ხმამაღალი და უსაფუძვლოა,” – აცხადებს ალარდაისი.
