კარლო ანჩელოტი: “რონალდომ არასწორი გუნდი აირჩია”

“ნაპოლის” მთავარმა მწვრთნელმა, კარლო ანჩელოტიმ “იუვენტუსში” კრიშტიანო რონალდოს გადასვლა შეაფასა. პაპა კარლო რონის არჩევანს უწუნებს.

“რონალდოს ტრანსფერი სერია A-სთვის დიდებული მომენტია იმიჯის კუთხით. იტალიის ჩემპიონატში ყოველთვის იყვნენ სუპერვარსკვლავები – მარადონა, პლატინი, ზიკო, ზიდანი, რონალდო, შევჩენკო, კაკა, იბრაჰიმოვიჩი და სხვები. ბოლო 10 წელიწადში ყველაფერი სრულიად განსხვავებულად იყო, მაგრამ კრიშტიანოს შეუძლია ძველი ბრწყინვალების დაბრუნება. ის საოცარი პროფესიონალია, მაგრამ მისი ერთადერთი შეცდომა, არასწორი კლუბის არჩევა, ანუ “იუვენტუსში” გადასვლა იყო”, – განაცხადა იტალიელმა.

ზაფხულის სატრანსფერო ფანჯრის დროს “იუვეს” მთავარი მეტოქე რონალდოს გადაბირებაში სწორედ ნეაპოლი იყო. “ნაპოლის” პრეზიდენტმა, აურელიო დე ლაურენტისმა კრიშტიანოს გადასვლა “ბებერ ქალბატონში” ბანალურ პიარ-აქციად შეაფასა.