მარჩელო ლიპი: “ეს ის რონალდუ არაა, რომელიც “რეალში” თამაშობდა”

იტალიის საფეხბურთო ნაკრებისა და ტურინის “იუვენტუსის” ყოფილი მთავარი მწვრთნელი, მარჩელო ლიპი კრიშტიანუ რონალდუზე საუბრისას საკმაოდ საინტერესო მოსაზრებას გვიზიარებს.

“კრიშტიანუ რონალდუ “იუვენტუსში” სწორ დროს გამოჩნდა. სამი წლის წინ რომ შეეძინათ, როდესაც “რეალი”, “ბარსელონა” და “ბაიერნი” გაცილებით უფრო მაღლა იდგნენ სხვა კლუბებზე, ის ასეთ გავლენას ვერ მოახდენდა კლუბზე.

ახლა ისინი ევროპის საუკეთესო კლუბების დონეზე იმყოფებიან, ბოლო პერიოდში ძალიან გაიზარდნენ, რაც პოზიტიურ ფიქრებს იწვევს ჩემში.

რა თქმა უნდა, ეს ის რონალდუ არაა, რომელიც “რეალში” თამშობდა, თუმცა ახლაც “იუვეს” საუკეთესო მოთამაშედ ითვლება. მან მალევე შექმნაახალი დონე, თანაგუნდელებიც დიდი სიამოვნებით შეეგებნენ მას, როდესაც მოედანზე რონალდუს სიდიადე იხილეს,” – აცხადებს ლიპი.