ჯანი ინფანტინომ “პსჟ”-სა და “მანჩესტერ სიტის” სერიოზულ ფინანსურ დარღვევებზე დახუჭა თვალი
Football Leaks ფეხბურთის საერთაშორისო ორგანიზაციის პრეზიდენტის ჯანი ინფანტინოს შავ-ბნელ საქმეებზე მოგვითხრობს. როგორც ირკვევა, ამ უკანასკნელმა “პარი სენ-ჟერმენისა” და “მანჩესტერ სიტის” მიერ განხორციელებულ ფეარ-პლეის სერიოზულ დარღვევებზე დახუჭა თვალი.
როგორც იცით, ორივე კლუბის უკან შეიხების უმსხვილესი კომპანიები დგანან. როდესაც მათ კლუბები ჩაიბარეს, განსაკუთრებით დიდი რაოდენობის თანხის ჩადება მოისურვეს, რაც ფინანსური ფეარ-პლეის წესების თანახმად დაუშვებელი იყო.
მაგალითისთვის, პარიზულმა გრანდმა 2011-2013 წლებში კატარის ტურიზმის სამინისტროსგან 215 მილიონი ევრო მიიღო, თუმცაღა ფურცელზე მხოლოდ 2,8 მილიონი ევროა ნახსენები. “სიტიმ” კი ორწლიან პერიოდში დასაშვები 45 მილიონის ნაცვლად 233-მილიონიანი ინვესტიცია მიიღო.
Football Leaks-ის ინფორმაციით, ჯანი ინფანტინო ამ ინფორმაციას სრულად ფლობდა, თუმცაღა შეიხებთან ახლო კონტაქტის გამო ყველაფერზე თვალს ხუჭავდა. სწორედ ეს ხსნის ფეარ-პლეის დირექტორ ბრაიან ქუინის (რომელიც ამ საქმეებს იძიებდა) განთავისუფლებას 2014 წელს.
