ხავიერ ტებასი: “ფიფამ “პსჟ” და “მანჩესტერ სიტი” ჩემპიონთა ლიგიდან უნდა მოკვეთოს”

ესპანური ლა ლიგის პრეზიდენტი ხავიერ ტებასი ბოლოდროინდელ მოვლენებს ეხმაურება და აცხადებს, რომ ფეხბურთის საერთაშორისო ფედერაციამ შესაფერისი რეაგირება უნდა მოახდინოს ფინანსური ფეარ-პლეის წესების დარღვევაზე.

“ჯერ კიდევ ორი წლის წინ ვამბობდი, რომ “პარი სენ-ჟერმენისა” და “მანჩესტერ სიტის” ხელმძღვანელები ყალთაბანდობდნენ. ასე რომ, სულაც არ მიკვირს, დღეს ასეთი სიტუაცია რომ არის. უეფამ ამ ყოველივეს შესაფერისი პასუხი უნდა გასცეს.

ზემოთ ნახსენები კლუბების უკანონო ქმედებები ფეხბურთზე ცუდად მოქმედებს, ამით ბალანსი ირღვევა და საერთო სტრუქტურას საფუძველი ეცლება. ამ კლუბების დასჯა ჩემთვის აუცილებლობას წარმოადგენს.

ფიფამ “პსჟ” და “მანჩესტერ სიტი” ჩემპიონთა ლიგიდან ერთი წლით მაინც უნდა მოკვეთოს, ეს ბრწყინვალე მაგალითი იქნება ყველა სხვა კლუბისათვის,” – აცხადებს ხავიერ ტებასი.