ანჩელოტი: “ტორტი უკვე მზად გვაქვს, მხოლოდ მინანქარი აკლია”
“ნაპოლის” მთავარმა მწვრთნელმა, კარლო ანჩელოტიმ, ჩემპიონთა ლიგაზე “ლივერპულთან” გასამართი უმნიშვნელოვანესი მატჩის წინ პრესკონფერენცია გამართა, სადაც რამდენიმე მნიშვნელოვან საკითხზე გაამახვილა ყურადღება.
“ტაქტიკური თვალსაზრისით თუ განვიხილავთ სიტუაციას, ნამდვილად არ ვიცი რას შემოგვთავაზებს “ლივერპული”, თუმცა ვიცი, რა არის საჭირო სასურველი შედეგის მისაღწევად. ყველაფერს გავაკეთებთ, რომ პირველი მატჩის შედეგი გავიმეოროთ.
ჯგუფური ეტაპის სტადია საკმაოდ მაღალ დონეზე ჩავატარეთ და არც ახლა ვაპირებთ უგუნურად თამაშს. ბოლო ტურია და გვინდა დავამტკიცოთ, რომ მომდევნო ეტაპზე გასვლას ვიმსახურებთ.გუნდს ტრიბუნებიდან 3000 ფანი გაამხნევებს, ტელევიზორებიდან კი – მილიონობით. ჩვენ სწორედ მათთვის უნდა ვიბრძოლოთ.
მხოლოდ ჩვენ თავზე ვართ დამოკიდებულნი რაც დიდი უპირატესობაა. ტორტი უკვე მზად გვაქვს, მხოლოდ მინანქარი აკლია,” – აცხადებს კარლო ანჩელოტი.
