კლოპი: “ადრენალინით აღსავსე ვარ, ბრწყინვალე მატჩი შედგა”

იურგენ კლოპის “ლივერპულმა” შინ “ნაპოლი” უმნიშვნელოვანეს შეხვედრაში დაამარცხა და პლეი-ოფის საგზური მოიპოვა. ჩემპიონთა ლიგის ჯგუფურ ეტაპზე წარმატების მიღწევით გახარებულმა იურგენ კლოპმა პრესასთან საუბრისას საკუთარ ემოციებსა და უშუალოდ მატჩზე ისაუბრა.

“ადრენალინით ვარ აღსავსე, ბრწყინვალე მატჩი შედგა. ბიჭები მთელი გულით თამაშობდნენ. ჩვენმა ბიჭებმა დაცვაში ისე ითამაშეს, როგორც არასდროს და პრესინგის ხარისხსაც აუცილებლად უნდა გავუსვათ ხაზი.

ყველაზე რთული პერიოდი მას შემდეგ დადგა, როდესაც გოლი გავიტანეთ. ორივე გუნდი ბოლომდე, გიჟურად იბრძოდა. რა მაგარი გოლი გაიტანა მომ, და როგორი სევიი გააკეთა ალიმ – სიტყვები არ მყოფნის. ძალიან ვამაყობ ჩემი ბიჭებით.

დაბოლოს, მინდა დიდი მადლობა გადავუხადო “ენფილდს”. ატმოსფერო წარმოუდგენლად შთამბეჭდავი იყო,” – აცხადებს გერმანელი სპეციალისტი.