ჟოზე მოურინიო “ლივერპულთან” მარცხზე: “უძლიერესმა მოიგო”

“მანჩესტერ იუნაიტედის” მთავარმა მწვრთნელმა, ჟოზე მოურინიომ, “ენფილდზე” განცდილი მარცხის შემდეგ პრესკონფერენცია გამართა, სადაც შეხვედრის დეტალები განიხილა.

“ფაქტია, რომ უძლიერესმა მოიგო, თუმცა მოიგო იმ მონაკვეთში, როდესაც ჩვენზე კარგად ვერ თამაშობდა. პირველ ოც წუთში ისინი ყველაფერს მოწოდების სიმაღლეზე აკეთებდნენ და ჩვენც ყველაფერში გვჯაბნიდნენ.

მაგრამ იმ მომენტში, როდესაც “ლივერპული” წინ გაიჭრა, მათ ძალიან უჭირდათ. ცენტრალური მცველები 30-40 მეტრიდან ურტყამდნენ, რადგანაც სივრცეებს ვეღარ პოულობდნენ. შეგვეძლო მოგებაც, მაგრამ მოვლენები სხვაგვარად განვითარდა.

თუ მარცხის მიზეზებზე ვისაუბრებთ, ეს მეორე და მესამე გოლია. რიკოშეტებით წავაგეთ. მატჩი ძალიან ინტენსიური გამოდგა, რობერტსონის ყურებით ისევ დაღლილი ვარ,” – აცხადებს პორტუგალიელი სპეციალისტი.