“ლევანტემ” საკუთარ კედლებში “ბარსელონას” დამარცხება შეძლო (ვიდეო)
ესპანეთის თასის, იგივე კოპა დელ რეის, მერვედფინალურ ეტაპს სენსაციის გარეშე არ ჩაუვლია – “ლევანტემ” საკუთარ კედლებში ერნესტო ვალვერდეს “ბარსელონას” დამარცხება შეძლო, რომელიც გადახალისებული შემადგენლობით გამოვიდა მოედანზე.
“ლევანტემ” პირველივე წუთებზე გააფრთხილა “ბარსელონა” კაბაკოს გოლით (4′), რომ მათი სათანადოდ არ შეფასება დიდი შეცდომა იყო. მალევე, ბორხა მაიორალმა, რომელიც “რეალის” აღზრდილი გახლავთ, ანგარიშში სხვაობა ორამდე გაზარდა (18′) და პირველი ტაიმის ანგარიც დააფიქსირა – 2:0.
ვალვერდემ მეორე ტაიმში გუნდის სათამაშო სქემა სრულად შეცვალა, რამაც შედეგი ნაწილობრივ გამოიღო. კატალონიელებმა მხოლოდ ერთხელ შეძლეს მეტოქის კარის დალაშქვრა, როდესაც ფილიპე კოუიტინიომ თერთმეტმეტრიანიდან შეძლო ფერნანდესის კარში გატანა.
ასე რომ, ამ წყვილში ფავორიტის სტატუსს მაინც “ბარსელონა” ინარჩუნებს, თუმცა ნათლად გამოჩნდა, რომ “ლევანტე” ხელწამოსაკრავი გუნდი არ არის.
n>
