იკარდის მეუღლე: “მაურო “ინტერთან” კონტრაქტს გაახანგრძლივებს”

მილანის “ინტერის” ფორვარდ მაურო იკარდის მეუღლე ვანდა ნარა, რომელიც ამავდროულად ფეხბურთელის აგენტიც გახლავთ, ირწმუნება, რომ არგენტინელი თავდამსხმელი “ნერაძურისთან” კონტრაქტს გაახანგრძლივებს. როგორც ცნობილია, 25 წლის ფეხბურთელის დამატებით მადრიდის “რეალი” გახლავთ დაინტერესებული.

“ინტერთან” კონტრაქტი გახანგრძლივდება. არ ინერვიულოთ. აქ პრობლემა არ გვაქვს. რა თქმა უნდა, “ინტერს” მაუროს შენარჩუნება სურს”, – ციტირებს ვანდა ნარას სიტყვებს Football Italia.

შეგახსენებთ, რომ მხარეებს შორის გაფორმებულ შრომით ხელშეკრულებას ვადა 2021 წლის 30 ივნისს ეწურება. ფეხბურთელის კონტრაქტის გამოსასყიდი თანხა 110 მილიონი ევროა.

მაურო იკარდიმ მიმდინარე სეზონში “ინტერის” ფორმით 23 მატჩი ჩაატარა, 14 გოლი გაიტანა და ორი შედეგიანი გადაცემა მიითვალა.