იურგენ კლოპმა კაილი უოკერის დამცინავ პოსტზე კომენტარი გააკეთა (ფოტო)

მერსესაიდული “ლივერპულის” მთავარმა მწვრთნელმა, იურგენ კლოპმა, კაილი უოკერის დამცინავ ტვიტზე ისაუბრა. შეგახსენებთ, რომ “ლივერპულს” გასულ ტურში 7-ქულიანი ჰანდიკაპის შექმნის შანსი ჰქონდა, რაშიც მათ ჰარი მაგუაირის გოლმა შეუშალა ხელი. კაილი უოკერმა ამის შემდეგ ფოტო გამოაქვეყნა წარწერით: “მათ მართლა ეგიონათ, რომ 7 ქულით გაგვისწრებდნენ” და მალევე წაშალა ის.

“დარწმუნებული არ ვარ, რას უნდა ამბობდეს ეს ფაქტი ჩვენზე. ვფიქრობ, თავად ფეხბურთელზე უფრო მეტს მეტყველებს. ჩემთვის ყოველთვის მიუღებელია სხვისი წარუმატებლობა გიხაროდეს.

არასოდეს არ მიცდია ვიღაც ლაფში ამომესვარა. მე ასეთი ხედვა გამაჩნია. შენ მხოლოდ საკუთარ თავზე უნდა იფიქრო და მაქსიმალურად ეცადო წარმატებას საკუთარი შედეგების ფონზე მიაღწიო, – აცხადებს გერმანელი სპეციალისტი.