“ელ კლასიკო”: სად და როგორ ვუყუროთ შეხვედრას?

ფეხბურთის გულშემატკივრები “ბარსელონასა” და “რეალის” მორიგი დაპირისპირების საყურებლად ემზადებიან. ამჯერად “ელ კლასიკოს” ესპანეთის თასის ნახევარფინალში ვიხილავთ.

როდის გაიმართება შეხვედრა?

ნახევარფინალური ეტაპის პირველი მატჩი 6 თებერვალს, ესპანეთის დროით 21:00 საათზე, ხოლო საქართველოს დროით 00:00 საათზე დაიწყება. პირველ შეხვედრას “ნოუ კამპი” უმასპინძლებს, ხოლო განმეორებითი დაპირისპირება 28 თებერვალს “სანტიაგო ბერნაბეუზე” გაიმართება.

სად ვუყუროთ შეხვედრას?

ფეხბურთის მოყვარულებს და არა მარტო მათ, “ელ კლასიკოს” ყურება სილქ უნივერსალზე შეეძლებათ. სილქ სპორტმა ესპანეთის თასის ნახევარფინალური ეტაპის მატჩების ჩვენების უფლება 5 თებერვალს მოიპოვა. მათ, ვისაც შეხვედრის ტელევიზიით ყურების შესაძლებლობა არ აქვთ, Fanebi.Com ინტერნეტში საყურებელ ბმულს ფეისბუქ გვერდისა და საიტის საშუალებით მიაწვდის.