სანტიაგო სოლარის კომენტარი “ბარსელონასთან” მატჩის შემდეგ

მადრიდის “რეალის” მთავარმა მწვრთნელმა, სანტიაგო სოლარიმ “ბარსელონასთან” დასრულებული მატჩის შემდეგ კომენტარი გააკეთა.

შეგახსენებთ, ესპანეთის თასის ნახევარფინალური ეტაპის პირველი მატჩი “ნოუ კამპზე” ფრედ 1:1 დასრულდა.

“კარგი მატჩი გამოვიდა. იმედი მაქვს, განმეორებითი შეხედრას სანახაობრივი გამოვა. პირველ ტაიმში რამდენიმე საგოლე მომენტი გვქონდა, მატჩის მიწურულსაც შეგვეძლო გატანა. ყველას დავანახეთ, რომ ჩვენი გუნდის ფეხბურთელები საქმეს სერიოზულად უდგებიან.

ჩვენ ყოველთვის მოგება გვსურს. მეორე გოლის გატანაც შეგვეძლოა. კმაყოფილები ვართ იმით, რაც მოედანზე გავაკეთეთ.

ვინისიუსის კარგი თამაში არ გამკვირვებია, რადგან ვიცი, რაც შეუძლია. როცა 18 წლის ბიჭი ასე თამაშობს, ბევრი მართლაც გაკვირვებული რჩება, ასეთი რამ ხშირად არ ხდება”, – ციტირებს სოლარის სიტყვებს “მარკა”.