ალეგრი: “დარწმუნებული ვარ, რომ “იუვენტუსს” “ატლეტიკოს” ბარიერის დაძლევა შეუძლია”

ტურინის “იუვენტუსის” მთავარმა მწვრთნელმა, მასიმილიანო ალეგრიმ, “ბოლონიასთან” მოგებული (1:0) მატჩის შემდეგ ჩემპიონთა ლიგის მეოთხედფინალში გასვლის შანსების შეაფასა.

“სავსებით ბუნებრივია, რომ გუნდი ოთხშაბათს ჩატარებული უმნიშვნელოვანესი მატჩის შემდეგ ცოტათი გადაღლილი იყო. ბრავო პერინის, რომელმაც ბრწყინვალე შეხვედრა ჩაატარა. უახლოეს მდევარს მინიმუმ 13 ქულით ვუსწრებთ, რაც გვაკმაყოფილებს.

რაც შეეხება “ატლეტიკოს”, რასაკვირველია, უკეთაც შეგვეძლო თამაში. თუმცა წინ განმეორებითი მატჩია, სადაც “ატლეტიკო” კიდევ უფრო შეკრული იქნება.

უფრო სწრაფი ფეხბურთი უნდა ვითამაშოთ, აგრესიულები უნდა ვიყოთ და ზუსტი გადაცემები ვაკეთოთ. დარწმუნებული ვარ, რომ “ატლეტიკოს” ბარიერის დაძლევას შევძლებთ,” – აცხადებს იტალიელი სპეციალისტი.