მოულოდნელი ამბავი: დიეგო მარადონას კუბაში სამი შვილი ჰყავს

ცნობილი გახდა, რომ ლეგენდარულ ფეხბურთელს, დიეგო მარადონას კუბაში სამი შვილი ჰყავს. როგორც ირკვევა, ვეტერან არგენტინელს შვილები კუბაში ყოფნისას, 2000-2005 წლებში გაუჩნდა.

ამ ამბის შესახებ განცხადება მარადონას ადვოკატმა, მატიას მორიამ გააკეთა.

“მარადონას კუბაში სამი შვილი ჰყავს, სამი შვილი ორი ქალბატონისაგან. აქამდე პრობლემა არასოდეს შექმნილა. დიეგო დნმ-ის ტესტს ჩაიტარებს და შემდეგ შვილებს აღიარებს”, – განაცადა მორიამ.

შეგახსენებთ, რომ მარადონა ნარკოდამოკიდებული იყო. ის კუბაში მკურნალობის მიზნით იმყოფებოდა.

ახლა უკვე შეიძლება, ითქვას, რომ მარადონას რვა შვილი ჰყავს: დალმა, ჯიანინა, დიეგო ჟუნიორი, ჯანა, დიეგო ფერნანდო და კიდევ სამი კუბადა. მისმა ერთ-ერთმა ქალიშვილმა იხუმრა კიდეც: “კიდევ სამი შვილია საჭირო, რათა 11-კაციანი გუნდი შედგეს.”